Қоғамның орналастырған акцияларды акционердiң талап етуi бойынша сатып алуы
Қоғамның орналастырған акцияларды акционердiң талап етуi бойынша сатып алуы скачать
30.03.2010, 18:33
Қоғамның орналастырған акцияларды акционердiң талап етуi бойынша сатып алуы 1. Қоғам орналастырылған акцияларды сатып алуды қоғам акционерiнiң талап етуi бойынша жүргiзуге тиiс, акционер бұл талапты акционерлердiң жалпы жиналысы: 1) қоғамды қайта ұйымдастыру (егер акционер қоғамды қайта ұйымдастыру туралы мәселе қаралған акционерлердiң жалпы жиналысына қатысып, оған қарсы дауыс берсе); 2) қоғамның iрi мәмiле немесе мүдделi тұлғалар¬дың қатысуымен мәмiле жасасуы (егер акционер осындай шешiм қабылдау туралы мәселе қаралған акционерлердiң жалпы жиналысына қатысып, оны қабылдауға қарсы дауыс берсе); 3) қоғамның жарғысына осы акционерге тиесiлi акциялар бойынша құқықтарды шектейтiн өзгерiстер мен толықтырулар енгiзу (егер акционер осындай ше¬шiм қабылданған акционерлердiң жалпы жиналысына қатыспаса немесе ол осы жиналысқа қатысып, аталған шешiмнiң қабылдануына қарсы дауыс берсе) жөнiнде шешiмдер қабылдаған жағдайда қоюы мүмкiн. 2. Акционерлердiң жалпы жиналысы шешiм қабылдаған күннен бастап отыз күн iшiнде акционер өзiне тиесiлi акцияларды сатып алу туралы қоғамға жазбаша өтiнiш жiберу арқылы талап қоюға құқылы. Аталған өтiнiш алынған күннен бастап отыз күн iшiнде қоғам акционерден акцияларды осы Заңның 69-бабының 2-тармағына сәйкес белгiленген бағамен сатып алуға мiндеттi. 3. Қоғамның өз акционерлерi сатып алуға өтiнiш берген орналастырылған акцияларының саны қоғам сатып алуы мүмкiн акциялардың санынан артық болған жағдайда бұл акциялар акционерлерден оларға тиесiлi акциялардың санына барабар сатып алынады.
