Қоғамның бөлiнуi 1. Қоғамның жаңадан пайда болатын қоғамдарға өзiнiң бүкiл мүлкiн, құқықтары мен мiндеттерiн бере отырып, өз қызметiн тоқтатуы қоғамның бөлiнуi деп танылады. Бұл орайда бөлiнетiн қоғамның құқықтары мен мiндеттерi бөлiну балансына сәйкес жаңадан пайда болатын қоғамдарға ауысады. 2. Бөлiну нысанында қайта ұйымдастырылатын қоғамның директорлар кеңесi қоғамның бөлiну нысанында қайта ұйымдастырылуы, жаңа қоғамдар құру, қайта ұйымдастырылатын қоғамның акцияларын құрылатын қоғамдардың акцияларына айырбастау тәртiбi туралы және бөлiну балансын бекiту туралы мәселенi акционерлердiң жалпы жиналысының қарауына енгiзедi. Қоғамның бөлiнуi туралы акционерлердiң жалпы жиналысы қабылдаған шешiм қайта ұйымдасты¬рылатын қоғамның акцияларын жаңадан құрылатын қоғамдардың акцияларына айырбастау тәртiбiн белгiлеуге тиiс. Қайта ұйымдастырылатын қоғамның кез келген акционерiне оған тиесiлi акцияларды жаңадан құрылатын қоғамдардың акциясына айырбастау нәтижесiнде берiлетiн құқықтарды қайта құрылатын қоғамның жарғысымен оған берiлетiн құқықтармен салыстырғанда төмендетуге немесе шектеуге болмайды. 3. Акционерлердiң жалпы жиналысы бөлiну туралы шешiмдi қабылдаған кезден бастап, қоғам осы шешiм туралы кредиторларға шешiм қабылданғаннан кейiн туындайтын мiндеттемелер жөнiнде хабарлауға мiндеттi. 4. Акционерлердiң жалпы жиналысы бөлiну туралы шешiмдi қабылдаған күннен бастап екi ай мерзiмде қоғам өзiнiң барлық кредиторларына бөлiну туралы жазбаша хабарламалар жiберуге және баспасөз басылымында тиiстi хабарландыру беруге мiндеттi. Хабарламаға бөлу балансы, сондай-ақ жаңадан құрылатын әрбiр қоғамның атауы, орналасқан жерi туралы мәлiметтер қоса тiркеледi. 5. Қоғамның бөлiнуi нәтижесiнде пайда болған қоғамдар қайта Ұйымдастырылған қоғамның мiндет¬темелерi бойынша Қазақстан Республикасының заңдарына сәйкес жауапты болады.
