Қоғамның қаржылық есептiлiгi 1. Қоғамның қаржылық есептiлiгi қоғамның бухгалтерлiк балансын, кiрiстер мен шығыстар туралы есебiн, ақша қозғалысы туралы есептi және Қазақстан Республикасының бухгалтерлiк есеп пен қаржылық есептiлiк туралы заңдарына сәйкес өзге де есептiлiктi қамтиды. 2. Қоғамның бухгалтерлiк есебiн жүргiзу мен қаржылық есептiлiгiн жасау тәртiбi Қазақстан Республикасының бухгалтерлiк есеп пен қаржылық есептiлiк туралы заңдарымен және бухгалтерлiк есептiң стандарттарымен белгiленедi. 76-бап. Қоғамның жылдық қаржылық есептiлiгi 1. Атқарушы орган жыл сайын акционерлердiң жалпы жиналысына талқылау және бекiту үшiн өткен жылға жасалған жылдық қаржылық есептiлiктi табыс етедi. 2. Жылдық қаржылық есептiлiк Қазақстан Республикасының бухгалтерлiк есеп және қаржылық есептiлiк туралы заңдарына сәйкес жасалады. 3. Жылдық қаржылық есептiлiктi директорлар кеңесi акционерлердiң жылдық жалпы жиналысы өтетiн күнге дейiн отыз күннен кешiктiрмей алдын ала бекiтуге тиiс. Қоғамның жылдық қаржылық есептiлiгiн түпкiлiктi бекiту акционерлердiң жылдық жалпы жиналысында жүргiзiледi. 4. Қоғам жыл сайын баспасөз басылымында уәкiлеттi орган белгiлеген мерзiмде жылдық қаржылық есептiлiктi жариялап отыруға мiндеттi.
