Қоғамның аффилиирленген тұлғасы 1. Мыналар: 1) қоғамның iрi акционерi; 2) қоғамның аффилиирленген тұлғасы болып табылатын жеке адамның жақын туысы (ата-анасы, ерлi-зайыптылар, аға-iнiсi, апа-сiңлiсi, ұлы, қызы), сондай-ақ жекжаты (зайыбының (жұбайының) аға-iнiсi, апа-сiңлiсi, ата-анасы, ұлы немесе қызы) болып келетiн жеке адам; 3) қоғамның немесе қоғамның аффилиирленген тұлғасы болып табылатын заңды тұлғаның лауазымды адамы; 4) қоғамның аффилиирленген тұлғасы болып табылатын жеке адамның бақылауындағы заңды тұлға; 5) өзiне қатысты қоғам iрi акционер болып табы¬ла¬тын немесе мүлiктегi тиiстi үлеске құқығы бар заңды тұлға; 6) өзiне қатысты қоғам еншiлес қоғам болып табылатын немесе тәуелдi (бақылауындағы) қоғам деп танылатын заңды тұлға; 7) қоғамға қатынасы жөнiнен оның еншiлес ұйы¬мы болып табылатын немесе тәуелдi (бақылауындағы) қоғам деп танылатын заңды тұлға; 8) қоғаммен бiрге үшiншi тұлғаның бақылауында болатын заңды тұлға; 9) қоғаммен қолданыстағы шарт арқылы байланысы бар, қоғам қабылдайтын шешiмдердi сол шартқа сәйкес айқындауға құқылы заңды тұлға; 10) өзiнiң аффилиирленген тұлғаларымен бiрлесiп қоғамның дауыс беретiн акцияларының он және одан да көп (халықтық акционерлiк қоғамда - бес және одан да көп) процентiн иеленетiн, пайдаланатын және оларға билiк ететiн тұлға; 11) Қазақстан Республикасының заң актiлерiне сәйкес қоғамның аффилиирленген тұлғасы болып табылатын өзге тұлға қоғамның аффилиирленген тұлғасы болып табылады. 2. Тиiстi қоғам немесе өзге заңды тұлға қабыл¬дайтын шешiмдi анықтау мүмкiндiгi қоғамға немесе өзге заңды тұлғаға бақылау жасау деп танылады.
