ҚОҒАМДЫ БАСҚАРУ 33-бап. Қоғамның органдары 1. Мыналар қоғам органдары болып табылады: 1) жоғары орган — акционерлердiң жалпы жиналысы (барлық дауыс беретiн акциялары бiр акционерге тиесiлi қоғамда – сол акционер); 2) басқару органы – директорлар кеңесi; 3) атқарушы орган – алқалы орган немесе атауы қоғамның жарғысында белгiленетiн атқарушы орган қызметiн жеке-дара жүзеге асыратын тұлға. Халықтық акционерлiк қоғамда атқарушы орган тек алқалы болуға тиiс; 4) осы Заңға, Қазақстан Республикасының өзге де нормативтiк құқықтық актiлерiне және қоғам жарғысына сәйкес өзге де органдар. 2. Қоғамның жарғысында iшкi аудит қызметiн құру көзделуi мүмкiн. Халықтық акционерлiк қоғамдарда iшкi аудит қызметiнiң болуы мiндеттi болып табылады. 3. Бұрын уәкiлеттi органның мемлекеттiк қыз¬метшiсi болған және өзiнiң қызметтiк функциялары бойынша қоғам қызметiне мемлекет тарапынан бақылау мен қадағалау жөнiнде өкiлеттiгi болған жеке адам осындай өкiлеттiк тоқтатылған күннен бастап бiр жыл iшiнде, барлық дауыс беретiн акциялары мемлекетке тиесiлi қоғамның органдарын қоспағанда, осы қоғамның органына сайлана алмайды. 4. Барлық дауыс беретiн акциялары бiр акционерге тиесiлi қоғамда қоғамның жарғысында қоғамды директорлар кеңесiн құрмай-ақ басқару мүмкiндiгi көзделуi мүмкiн.
