Қоғам акционерлерiнiң құқықтары 1. Қоғам акционерiнiң: 1) осы Заңда және қоғамның жарғысында көзделген тәртiппен қоғамды басқаруға қатысуға; 2) дивидендтер алуға; 3) қоғамның қызметi туралы ақпарат алуға, оның iшiнде акционерлердiң жалпы жиналысында немесе қоғамның жарғысында белгiленген тәртiппен қоғамның қаржы есептiлiгiмен танысуға; 4) тiркеушiден немесе нақтылы ұстаушыдан оның бағалы қағаздарға меншiк құқығын растайтын үзiндi көшiрмелер алуға; 5) қоғам акционерлерiнiң жалпы жиналысына қоғамның директорлар кеңесiне сайлау үшiн кандидатура ұсынуға; 6) қоғамның органдары қабылдаған шешiмге сот тәртiбiмен дауласуға; 7) қоғамға оның қызметi туралы жазбаша сауал салуға және қоғамға сауал келiп түскен күннен бастап отыз күн iшiнде д¡лелдi жауаптар алуға; 8) қоғам таратылған кезде мүлiктiң бiр бөлiгiне; 9) осы Заңда белгiленген тәртiппен өз акцияларына айырбасталатын қоғамның акцияларын немесе басқа да бағалы қағаздарын артықшылықпен сатып алуға құқығы бар. 2. Iрi акционердiң сондай-ақ: 1) акционерлердiң кезектен тыс жалпы жиналы¬сын шақыруды талап етуге немесе директорлар кеңесi акционерлердiң жалпы жиналысын шақырудан бас тартқан жағдайда оны шақыру туралы талап-арызбен сотқа жүгiнуге; 2) директорлар кеңесiне осы Заңға сәйкес акционерлердiң жалпы жиналысының күн тәртiбiне қосымша мәселелер енгiзудi ұсынуға; 3) директорлар кеңесiнiң отырысын шақыруды талап етуге; 4) өз есебiнен аудиторлық ұйымның қоғамға аудит жүргiзуiн талап етуге құқығы бар. 3. Акционерлердiң осы баптың 1 және 2-тармақтарында белгiленген құқықтарын шектеуге жол берiлмейдi. Қоғамның жарғысында акционерлердiң өзге де құқықтары көзделуi мүмкiн.
