Қоғам акцияларын ұстаушылардың тiзiлiмi 1. Қоғам акцияларын ұстаушылардың тiзiлiмiн жа¬сау¬ды, жүргiзудi және сақтауды қоғамның тiркеушiсi ғана жүзеге асыра алады, ол қоғамның және оның аффилиирленген тұлғаларының аффилиирленген тұлғасы болмауға тиiс. 2. Қоғам акцияларын ұстаушылардың тiзiлiмiн қал¬ыптастыру, жүргiзу және сақтау, сондай-ақ ол бойынша уәкiлеттi органға ақпарат беру тәртiбi Қазақстан Республикасының бағалы қағаздар рыногы туралы заңдарында белгiленедi. 3. Қоғам өз акциялары шығарылымын мемлекеттiк тiркеу мақсатында уәкiлеттi органға құжаттар табыс етiлгенге дейiн қоғамның акцияларын ұстау¬шылар¬дың тiзiлiмiн жасау, жүргiзу және сақтау жөнiндегi қызмет көрсету туралы қоғамның тiркеушiсiмен шарт жасасуға мiндеттi. 4. Орналастырылатын акция толық төленгенге дейiн қоғамның осы акцияны қоғам акцияларын ұстаушылардың тiзiлiмiндегi оны сатып алушының шотына есептеу туралы бұйрық беруге құқығы жоқ.
