Атқарушы орган 1. Ағымдағы қызметке атқарушы орган басшылық етедi. Атқарушы орган алқалы немесе жеке-дара болуы мүмкiн. Атқарушы орган қоғам қызметiнiң осы Заңда, Қазақстан Республикасының өзге де заң актiлерiнде және қоғамның жарғысында қоғамның басқа органдары мен лауазымды адамдарының құзыретiне жатқызылмаған кез келген мәселесi бойынша шешiм қабылдауға құқылы. Атқарушы орган акционерлердiң жалпы жиналысы мен директорлар кеңесiнiң шешiмдерiн орындауға мiндеттi. Атқарушы органның вето құқығы белгiленген мәселелер жөнiндегi шешiмдерi “алтын акция” иесiмен келiсiлуге тиiс. Егер мәмiле жасасу кезiнде тараптардың қоғам белгiлеген шектеулер туралы бiлгендiгiн д¡лелдесе, қоғам өзiнiң атқарушы органы осы шектеулердi бұза отырып жасаған мәмiленiң жарамды екенiне дауласуға құқылы. 2. Қоғамның акционерлерi және оның акционер¬лерi болып табылмайтын қызметкерлерi алқалы атқару¬шы органның мүшелерi бола алады. Атқарушы органның мүшесi директорлар кеңесiнiң келiсiмiмен ғана басқа ұйымдарда жұмыс iстеуге құқылы. Атқарушы орган мүшесiнiң функциялары, құқық¬тары мен мiндеттерi осы Заңмен, Қазақстан Республи¬касы¬ның өзге де заң актiлерiмен, қоғамның жарғы¬сымен, сондай-ақ аталған адам мен қоғам арасында жасалатын жеке еңбек шартымен белгiленедi. Қоғам атынан атқарушы органның басшысымен жасалатын жеке еңбек шартына директорлар кеңесiнiң төрағасы немесе осыған жалпы жиналыс немесе директорлар кеңесi уәкiлеттiк берген адам қол қояды. Атқарушы органның қалған мүшелерiмен жасалатын жеке еңбек шартына атқарушы органның басшысы қол қояды.
