Гүлденген Қазақстан
Өлеңі: Н. Баймұхамедов
Туып - өскен Отаным – Қазақстан,
Күлімдеп, гүл жайнаған күншығыстан.
Құлпырған жерім бар, алтын нұрлы елім бар,
Шығыстан сәулелі жарқырап атқан таң.
Ахау, Гүлстан, шығыстан бейне бір атқан таң,
Далама бір көз жіберсең, түкті кілем түгіндей.
Алатауым әсем текше, қыздың жиған жүгіндей,
Жайсаң жайлау Қазақстан, осынау тұрған күлімдеп. Мыс қорытып, қорғасын, күміс қаптап,
Бермесін табиғаттың тартып алған.
Шалқыған көлім бар, асқар таулы белім бар,
Шығыстан Отаным жарқырап атқан таң. Ахау, Гүлстан, шығыстан бейне бір атқан таң,
Далама бір көз жіберсең, түкті кілем түгіндей.
Алатауым әсем текше, қыздың жиған жүгіндей,
Жайсаң жайлау Қазақстан, осынау тұрған күлімдеп.
| 
